كلام بنات كلبوظات ..وبس

صحباتي الكلبوظات

ازيكوا

انهاردة هنتكلم عن موضوع شائك شويه وغالبا ماحدش بيتكلم فيه خالص

لصحباتي الكلبوظات العرايس اللي بيجهزوا واللي متجوزين

هنتكلم عن

اللانجري 

في البدايه احب اوضح ان كلامي في الموضوع ده لاني عانيت منه شخصيا وماكنتش اقدر اتكلم فيه مع حد ولا اعرف ايه اللي يناسبني وايه لأ وكمان مالقيتش حد اسأله

وحاسه ان كتير كلبوظات في نفس موقفي او لسه بيجهزوا ومحتاسيين

وانا بجهز كان الموضوع ده شاغلني جدا وفي دماغي الف سؤال بدون اجابه وبدون شخص يجاوب عليهم

يا ترى شكلي هيبقى ايه؟هلاقي لانجري زي بتاع الموديلز والبنات الرفيعه ؟طب هلاقيه فين وبكام  ماهو انا كان عندي الف حاجه عايزة اجيبها اصلا فلازم اوفر برضه ؟

دورت في محلات كتير واشتريت اي حاجه وخلاص وكل اللي الاقيه مقاسي اجيبه وخلاص مش لازم احمد ربنا واسكت اني لاقيت مقاسي اصلا !

وكاني انسانه من الدرجه التانيه مش من حقي اني احس اني لابسه حاجه شيك وعجباني وهتعجب جوزي ان شاء الله

ده كان تفكيري زمان ..وده اللي انا عشانه عملت البوست ده برغم انه شبه موضوع محرم على كل الناس تتكلم فيه او على الاقل ده اللي اعرفه واتربيت عليه ان دي قله ادب وقرب الجواز نشتري الحاجات دي وخلاص بدون تفكير

نقطه ومن اول السطر

لازم نتفق على نقط مهمه قبل مانتكلم بالتفصيل

اولا :من حقك انك تلبسي اللي يعجبك سواء الوان او موديلات ..انتي مش انسان درجه تانيه زيك زي ااحسن توب موديل في العالم انتوا الاتنين بني ادمين ويمكن كانسانه تطلعي احسن منها 100 مرة كمان

ثانيا: اهم  حاجه في اللانجري مش موديله ولا لونه ..خالص المهم احساسك انتي الشخصي النابع من جواكي انك سكسي وده هينعكس على شكلك وتصرفاتك مع جوزك وهيوصله الاحساس

ثالثا : ماتجريش تجيبي زي فلانه وعلانه وزي اي كتالوج يقع في ايدك مش كل حاجه تناسبنا دي حقيقه واقعه لازم نعترف بيها ممكن نجرب اه حاجات جديدة بس عشان نكتشف ايه الانسب لانه بيبقى الاجمل علينا

ندخل في التفاصيل

اكتشفت قاعدة بسيطه اوي

وهي ان اللي ينطبق على لبسنا العادي قواعد عامه تنطبق على اللانجري برضه

ازاي…اقولك

اولا

اتفقنا ان الواسع اوي والضيق اوي شكله وحش علينا جدا والاتنين بيتخنونا زيادة ..صح؟وده يمشي على اللانجري برضه الضيق الايلاستيك هيضايقك ويبين ويحدد كل عيوب جسمك

زي دول كده

item_L_255113_384816 NEW-prom-costume-9071-leather-bodysuit

والواسع اوي اكبر من مقاسك يعني ممكن يبقى شكله مش لطيف برضه زي ده كده

554372454_o

ثانيا 

طب نلبس ايه ماهو كل اللانجري ضيق كده ؟؟؟مش هتقوليلي كده؟

لا مش كله ضيق كده

اتفقنا على القواعد العامه

بيليق علينا قصه ال

A line

صح ؟

طب ليه ما يبقاش في اللانجري كمان ؟بالظبط سواء لانجري طويل او بيبي دول نفس الفكرة زي دول كده

4c2c241c9b557c2107c678f40ba36110 c15af06d86fcf30215a522876d1cfcb7 images

فهمتوا قصدي ؟

ثالثا 

اللانجريهات الطويله اللي فيها فتحه بطول الساق بتبقى كمان شيك اوي ومناسبه لينا واللي فيها شغل من الضهر كمان كلاسي اوي

زي دول كده

751d03c34ff80ac31fbef21037736b11 4591093723_9f54eb5518_z e0a95c96f413670578fa65a2945ee688 x20300-c

رابعا

ضروري تجيبي ارواب قصيرة وطويله عشان بعض اللانجريهات ما بيكونش معاها روب بالاضافه انه شيك وسكسي برضه على فكرة

47786_in_dl b1c125279da95fb1441cce92e35b5885

my2myu1E6BWHdPcIfn3NiWA

ودي كمان اللي هي ماتسمى في عالم اللانجري ال

garter

ودي زمان ايام القرن ال 19 كانت الستات بتستخدمها عشان تثبت الشرابات الفيليه اعلى الفخذ ..لسبب ما انا معرفوش الصراحه يبدو انها سكسي ههههه

عشان بس ما تقولوش اني اعرف كل حاجه !!

il_170x135.637711085_617r

لو مالقيتيهاش لانها بتيجي مع بعض اللانجريه احيانا

اعملي واحده لنفسك دي عبارة عن استك 2 سم مزركش وخلاص

الجيش قال اتصرف !!

خامسا 

حاليا نازل موضه جدا وخاصه للكلبوظات بره مصر اللانجريه ستايل الكورسيه

ولا عزاء للرفيعات لانه اختراع الكورسيه اصلا معمول للكلبوظات وبالتالي احنا بيبقى شكلنا فيه احلى هييه

للحق بما اني قديمه سنه في الجواز معرفش لو بيتباع في مصر وبيتباع فين ..معلش هسيبلك انتي مهمه البحث بقه خليكي انتي الكبيرة …

m5rs-mm-qK_RCPV1DBdLzIA plus-size-sexy-bustier-corset-fancy-dress plus-size-sexy-burlesques-corset-dress-basques plus-size-sexy-classic-corset-dress-basques

سادسا

بالنسبه للملابس التنكريه وبدل الرقص

الملابس التنكريه مشي عليها نفس القواعد والله لاقيتيها تناسب شكل جسمك وسعرها كويس وانتي ماعندكيش مانع تلبسيها ولقيتي مقاسك …اوكيه

بدل الرقص انالا انصح بيها لان تركيبتها نفسها لازم تبين البطن لو ماعندكيش مشكله في بطنك اوكيه هاتيها

اه وخدي بالك الله يكرمك فكرة ان ليله الزفاف لازم اللانجري يبقى ابيض خلصت من القرن الماضي هاتي اي لون او شكل يعجبك وترتاحي ان عريسك يشوفك بيه لاول مرة

في النهايه يا بنات كلامي مجرد خطوط عريضه مش قانون يعني ..

البسي اللي تحبيه وترتاحيله ضاربه بكل كلامي عرض الحائط ..اه هزعل منك شويه لكن المهم سعادتك(*_=)

ارجو انكوا تحسوا انها مش مشكلتك لوحدك وان كلنا مرينا بنفس احساسك ومشكلتك وعشان كده لازم نساعد بعض نتخطى كل العقبات اللي قدمنا لحد ما نتقبل شكلنا وجسمنا 100 % ونفتخر كمان ومش كلمه كده ولا كده هي اللي تهز ثقتك بنفسك

تحياتي

نرمو

Advertisements

رأيان حول “كلام بنات كلبوظات ..وبس

اضافة لك

  1. موضوع جميل يا نرمو زي كل مواضيعك بجددد .. اخر واحد الكورسيه مش بشوفه غير اون لاين وبيدجات فيس بوك ومنتديات

    إعجاب

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

المدونة لدى وردبرس.كوم. قالب: Baskerville 2 بواسطة Anders Noren.

أعلى ↑

%d مدونون معجبون بهذه: