5 اخطاء يقع فيها الكلبوظات

صحباتي الكلبوظات

كل سنه وانتوا طيبيين بمناسبه العيد

غبت عليكوا شويه في رمضان …انتوا عارفين مابيباقش في وقت خالص

انهاردة هنتكلم عن اشهر 5 اخطاء كلنا بنعملها ككلبوظات في لبسنا

وطبعا انا ككلبوظه قديمه وقعت فيهم قبلكوا طبعا فبتكلم من واقع خبرة هههههه

5 mistakes

اولا :المشكله

عدم معرفتك لشكل جسمك وايه اللي يليق عليه وايه اللي مش مناسب بيخليكي كتير من الاحيان تلبسي اي حاجه

وفي معظم الاحيان بيبقى مش مناسب وبيطلع شكلك تخين يمكن اكتر من حجم جسمك فعليا !!!

الحل :

كنا اتكلمنا قبل كده في موضوع اشكال الاجسام وايه اللي يناسبها بالظبط

هتلاقي الموضوع في الارشيف باسم

اعرفي شكل جسمك

Shapebody626X424

ثانيا : المشكله

التمسك بلبس مقاس معين دون الاخذ في الاعتبار تباين المقاسات من مصنع لاخر ومن مصمم لاخر ومن بلد لبلد ..

بمعنى

انك عارفه انك بتلبسي مقاس XXL

كويس تيجي تجيبي اللبس ماتلاقيش غير XL

تقومي تتضايقي وتكتئبي وماتجيبيش من غير ماتفكري انك تقيسه لانه ممكن يبقى مناسب وممكن يبقى يساوي ال XXL

بس من انتاج بلد تانيه غير اللي انتي متعودة عليها وعارفه مقاسك فيها

girls_fit eurotard plus size chart

الحل :

انك تعتبري مقاسك  ك رينج وليس رقم معين يعني تعتبري انك بتلبسي من XL -XXXL

وتقيسيهم كلهم لحد ماتلاقي المناسب ليكي

ثالثا : المشكله

التركيز على الموضه الموسميه كطريقه للشياكه دون الاخذ في الاعتبار انها موسميه وتزول بسرعه ولا تصلح لبناء دولاب شيك ومتميز

زي مثلا موضة  اللالوان الفسفوري

ماتجريش تجيبي بلوزة وحجاب وشوز وشنطه وفاكرة انك ماشيه على الموضه

Screen shot 2012-01-08 at 12.05.08 PM plus-size-neon_03

الحل :

انك مثلا تجيبي قطعه واحده من الموضه لو الموضه دي تناسب شكلك وجسمك ولون بشرتك

وكمان الافضل انك تشتغلي على صناعه ستايل خاص بيكي تتميزي فيه وتبقى مركزة وانتي بتشتري انك تجيبي اللي يناسب ستايلك بدل من الجري ورا كل موضه جديدة

رابعا : المشكله 

الاعتماد على لون واحد اللي هو طبعا الاسود عشان بيرفع …ماشي ماقولناش حاجه بس مش كل حاجه نجيبها اسود عشان بيرفعنا

شويه شويه هتلاقي دولابك كئيب وممل من كتر السواد

090307.plus.size.rock.fashion

الحل :

الاعتماد على الالوان اللي تناسب جسمك وبشرتك وتلبسيهم بطريقه ترفعك لكن في نفس الوقت تبقى متميزة ومش مكتئبه وممله في لبسك

وهنتكلم في البوست الجاي ان شاء الله ازاي نوظف الالوان لصالحنا

ولتغير شكل جسمنا بدون ما نبقى فاقدين وزن اصلا !!

c695226a0b5f645790c05692ba79fc2445  img_3840

خامسا : المشكله 

ودي كلنا عملناها اكييييد

اختيار لبس واسع ومهرهر عشان يداري التخن !!يا سلام

غلط غلط غلط من هنا لبكرة

اللبس المهرهر والواسع صدق او لا تصدق

هيتخنك زيادة 

اه والله

وكمان اللبس الضيق زيادة

هيتخنك برضه ويدي انطباع وحش عنك وعن اخلاقك

وانتوا عارفين مجتمعنا !!!

Man wearing oversized suit   tight-clothing-fashion-mistakes

الحل :

تلبسي لبس مناسب لجسمك

لا ضيق بيبقى شكله وحش اوي

ولا واسع مهرهر

مع اختيار القصه او

ال cut

المناسبه لجسمك

ارجو اني اكون لفت انتباهكوا لاخطاء كلنا وقعنا فيها عشان نتجنبها

تحياتي

نرمو

Advertisements

رأي واحد حول “5 اخطاء يقع فيها الكلبوظات

اضافة لك

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

أنشئ موقعاً أو مدونة مجانية على ووردبريس دوت كوم.. قالب: Baskerville 2 بواسطة Anders Noren.

أعلى ↑

%d مدونون معجبون بهذه: