اوسكار 2014 وايقونه موضه من هووليوود

صحباتي الكلبوظات

كل الناس انهاردة وكل المدونات بتتكلم عن فساتين الاوسكار ..واحنا كمان

ايوة اشمعنا احنا يعني مافي فساتين ممكن تليق علينا ككلبوظات

وكمان هنتكلم عن نجمه من نجمات هووليوود تعتبر تحدي لمقاييس النجاح والشهرة هناك

Gabourey Sidibe

جيوباردي سديبي

فنانه شابه كلبوظه كانت مرشحه للاوسكار من كام سنه ومن ساعتها وهي بتحضر حفل الوسكار لان ده المتعارف عليه لو اترشحت هتتلقي دعوة كل سنه

اولا خلينا نشوف الفساتين اللي ممكن تليق علي الكلبوظات المحجبات بتقفيل اكيد

peplumموديل فستان جوليا روبرتس بستايل ال

وده الستايل اللي هنتكلم عليه بالتفصيل البوست الجاي ان شاء الله

مناسب لينا ككلبوظات مع تقفيل الكمام طبعا وعشان يبان جمال الدانتيل نعمله بلون تاني غير الاسود

 فستان جينيفر لورانس نفس ستايل  فستان جوليا وبرضه مع تقفيل الصدر هيبقي مناسب جدا لاي كلبوظه

وماتخافيش مش هيزود حجم الاجناب

فستان ساندرا بولك رائع ومناسب للكلبوظه لان القصه

دي هتجذب النظر والدرابيه هيغطي علي عيوب البطن والارداف

موديل فستان ميريل ستريب رائع وبسيط وشيك ومناسب لو الكلبوظه كبيرة في السن شويه

 او بتفضل الموديلات البسيطه

فستان كاري واشنطون من اروع فساتين الحمل اللي اتعملت للسواريه

بالنسبه لينا كمحجبات نفس القصه لكن اعتقد الجزء اللي متجمع في بروش ده هيبقي عند الكتف فوق بدل الموديل ده ويبقى كتف وكتف

اكيد طبعا مش هنلبس بادي تحتيه لا هنخلي الكم من نفس القماش لان البادي بيبقى شكله وحش اوي يا كلبوظات

ثانيا : الكلبوظه جيوباردي سيديبي

ده بقه فستان سيديبي في الاوسكار السنه دي

    

اولا شايفين اد ايه هي جريئه في لبس الالوان وده هنكتشفه زيادة في باقي اطلالاتها واستايلاتها المختلفه

مهما كان حجمك ماتخافيش ابدا من لبس الالوان

وكمان بتلبس استايلات تجمل جسمها مش بتلبس واسع عشان تداريه

وبتنوع في الالوان مش بس غوامق يعني

اكيد كام مرة كده طلع شكل ولون وقصه الفستان مش حلوة بس في العموم لبسها مناسب لجسمها وبيجملها مش بيداريها

وده هنشوفه مع بعض عشان نتعلم من اخطاء غيرنا

هنبدأ بالاطلالات السواريه 

   

BAFTA  AWARDSده بالنسبالي اروع فستان لبسته لون وشكل وقصه في حفل ال

     

ثانيا فساتين كوكتيل 

دي فساتين بتبقى لمناسبات بعد الضهر شيك بس مش سواريه اوي زي المجموعه اللي فاتت

 

    

زي ما انتوا ملاحظين بتلبس كل اللي هي عايزاه وكل الالوان ومقلم بالعرض وورد  وشكله حلو عليها ازاي

لكن اكيد طبعا بتلبس اسود برضه

ثالثا كولكشن فساتينها السوداء

 زي ما ملاحظين يا كلبوظات الشغل كله في الصدر والقصه بتاعة الفستان ولازم حزام او يحدد الوسط بالقصه وبعدين ينزل باقي الفستان منسدل علي الجسم بنعومه

عشان يرفع ويجمل شكل الجسم مايبقاش وحده واحده وده اللي عملته غلط في بعض طلاتها وطلع مش حلو

زي ما هنشوف كده

      

قماش الفستان ده سيء للغايه كانه مصنوع من اكياس القمامه

وده بقه اسوء فستان لبسته وللاسف كان في الجولدن جلوب السنه اللي فاتت

كل حاجه فيه غلط القصه ومافيش درابيه ومبين كل عيوب جسمها

ده اساس الفستان بس يبدو انه باظ منهم في التنفيذ او المقاس

لو كان اتعمل كده بالظبط كان هيبقى تحفه لكن برغم كل الانتقادات والتعليقات المهينه اللي تلقيتها حتي على حساب تويتر الشخصي لها

فكان عندها الجرأة والشجاعه انها ترد علي كل منتقديها بالتويته دي

اخيرا اطلالات كاجوال 

ده استغلال ممتاز لقطعه رائعه من الجاكيت الجلد الاسود

قطعه واحده ب 3 طرق مختلفه

في النهايه ارجو اني اكون افدتكوا

تحياتي

نرمو