رســــاله الي أم الكلبوظه

mom

صحباتي الكلبوظات 

ممكن تمشي انتي وتخللي مامتك تقرأ البوست ده

يلا لو سمحتي مش عايزينك انهاردة في كلام سر بيني وبين ماما

صديقتي مامة الكلبوظه احب اقولك كلمتين صغيرين

انتي عندك بنت وانسانه رائعه ..اكيد انتي عارفها اكتر مني

طيبه وظريفه وحبوبه ودمها خفيف ..كل الحكايه انها كلبوظه

فأرجوكي بلاش كل شويه تركزي علي انها كلبوظه وكأن ده اللي هيحدد شخصيتها ولا ده اللي هيخليها انسانه كويسه او وحشه

خليكي واثقه فيها وانها انسانه رائعه تقدر تنجح في كل حاجه وشكل جسمها لا يعوقها عن اداء اي شيء

ولا ينقص من قدرها وقيمتها عندك …وارجوكي حسسيها بكده

كفايه عليها عبء مجتمع سطحي بيحكم علي الناس بالمظاهر وكفايه المعاناة اللي بتعانيها هي كل يوم في كل مكان

ماتبقيش انتي والدنيا عليها

cb812897b65b4a3dc8b79e8a728f1995

انا عارفه انك عايزة مصلحتها وبتنصحيها عشان مش عايزاها تعاني لكن برضه في طريقه لطيفه توصليلها النصيحه بيها بدون ما تهزي ثقتها في نفسها اللي

هي اصلا بتحارب عشان تزودها

انتي بالذات اهم انسان في الدنيا بالنسبه ليها لو انتي بتسانديها دايما وخاصه في مسأله المظهر هتتقبل منك كل النصائح بسهوله

وهتقدرلك نصائحك كمان بدون ما ندخل في مشاكل الثقه بالنفس

وارجوكي ارجوكي بلاش بلاش تعقدي مقارنات دايما بينها وبين بنات قرايبك او اصحابك اي مقارنه صدقيني بتجيب نتائج عكسيه غير اللي انتي تقصديها تماما

ادفعي بنتك لقدام وانها تثق في نفسها وقوليلها انها انسانه ممتازة بغض النظر عن جسمها واللي مش عاجبه بنتك زي ماهي يبقى مش لازم وجوده في حياتها اصلا

مش معني كلامي انك تتوقفي عن نصحها انها تفقد الوزن ..لا لكن ساعديها تثق في نفسها زي ماهي

وحاولي بعد كده نصحها بطريقه لطيفه لا تجرحها وبكل حب تشرحيلها انك خايفه علي صحتها

فقط مش لاجل شخص او وظيفه او ارتباط

في نهايه كلامي احب اقولك انتي اكيد ام رائعه عشان ربنا يهديك اغلى هديه في الوجود

بنوته كلبـــــــــوظه

تحياتي

نرمو

85316-Mother+and+daughter+quotes+

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

المدونة لدى وردبرس.كوم.

أعلى ↑

%d مدونون معجبون بهذه: