العــــــــامل السحري The X Factor

صحباتي الكلبوظات

مش معقول تكوني تعبتي ودورتي ولفيتي واشتريتي طقم حلو وتضيعي قيمته كده بسهوله عشان مش

مظبطه معاه العامل السحري او ال

x factor

اللي هو مكملات الشياكه والاناقه زي ايه مثلا ؟

هنبدأ من فوق لتحت

الحجــــــــــاب 

حجابك لازم يكون نظيف ومكوي وشيك ولونه لايق علي بشرتك

بلاش يكون كبير اوي وكزا واحد فوق بعض

شكله مش بيبقي حلو ومتعب ليكي

ولازم يكون متثبت كويس عشان ترتاحي طول اليوم من التعديل فيه

ماتنسيش حجابك مثال للمرأة المحجبه الشيك اللي ممكن بمنظرها تشجع بنات كانت بتفكر في الحجاب لكن خايفه شياكتها واناقتها تضيع مع الحجاب

انتي بشياكتك واناقه حجابك رساله متحركه انك ممكن تبقي محجبه وشيك

  طبعا في ربطات كتير في التركي والخليجي والماليزي والسبانش والتوربان والعادي .. زي دول

Image   Image
Image

  ImageImage

 ImageImage

نقي الربطه اللي تعجبك وجربي كل حاجه لحد ماتشوفي ايه اللي شكلك احلي فيه

 ImageImage

لكن اهم حاجه انك تبقي مراعيه القواعد العامه للحجاب انه مايبقاش شفاف ورقبتك تبقى متغطيه

ندخل علي

الشنـــــــــــــطه

لازم تكون الشنطه مناسبه لحجمك يعني مش معقول تبقي كلبوظه وتلبسي شنطه صغنونه شكلها مش هيبقي حلو حتي لو معاكيش حاجات كتير

واحب اقولك ان موضه الشنطه والشوز يبقوا مع بعض لون واحد خلصت من التسعينات يعني مش عشان اشتريتي شنطه موف تجيبي شوز موف ولا ايه

كمان لازم تراعي ان في شنط للصبح وشنط ليل او لبعد الضهر يعني وفي شنط سواريه وفي للنادي او البلاج

ممكن تجيبي شنطه بلون اسود او نوود “لون محايد” او هافان او مايسمى بلون الكاميل تمشي معاكي صبح وبليل وعلي اي لبس

Image  Image  Image

Image Image

للسواريه خليكي في الالوان المحايدة برضه تليق علي كل اللبس

Image Image Image

الاكســـــــــــــــسوارات

ضروريه جدا وهتدي الطقم بتاعك شياكه وعشان احنا كلبوظات فمش هيليق علينا السلسله الرقيقه والخاتم البسيط

ودي ميزة كبيرة علي فكرة اننا بيليق علينا الحاجات الكبيرة لان عندنا مساحه كبيرة سواء علي الصدر والرقبه او علي ايدينا

 يبقى ليه مانستفدش بالميزة اللي ربنا ادهالنا ونلبس القطع الكبيرة الشيك  زي مثلا  او العقد الكبير

Statement Necklace ال

Image Image Image

والخـــــــــــواتم

Image Image Image

 والغـــــــــــــوايش او  الاساور

Bengals ال

Image ImageImage

اكيد طبعا مش هنلبس كله مع بعضه لكن علي حسب اللبس ضيفي قطعه او بالكتير اوي 2

يعني يا عقد وخاتم او اسورة بس

او خاتم بس لو كبير

واخيرا وليس اخرا الشـــــــــوز او الحذاء

  حسب انتي رايحه فين ؟الصبح  عايزة حاجه بسيطه وسهله اللبس ولا باليل لبعد الضهر او مناسبه  ؟

يوم طويل محتاجه حاجه مريحه تلبسي باليرينا ولا مشوار قصير ممكن تلبسي كعب صغير 3 سم  او

 متوسط 5 سم  اكتر من كده لا انصحك عشان الوزن علي كعب عالي هيسببلك الالام مبرحه في الضهر

طبعا ممكن تجيبي اكتر من لون باليرينا او فلات لانه عملي ومريح

Image

ويا سلام بقه لو جبتي شوز  تايجر بيليق علي كل حاجه وبيشيك اي لبس واي طقم مهما كان  شكله او لونه

Image

برضه بالنسبه للالوان هاتي الالوان المحايده اللي تليق على كل لبس الا طبعا لو عندك طقم او فستان معين عايزاله لون يليق عليه تحديدا

!!يفضل ما تجبيش نفس اللون زي مابقولك موضه ان الشوز يبقى نفس لون اللبس بطلت من التسعينات

Image Image  Image

للشتاء البوتات حلوة اوي توصل لمنتصف الساق عشان تبقى مناسبه ومش ماسكه علي رجلك وتبقى مريحه

او هاف بووت لحد انكل القدم بس عملي وشيك

Image   Image

وللصيف بقه عندك اشكال والوان من الصنادل المفتوحه بس طبعا بلاش الفلات اوي

عشان مش بيبقى شكله حلو حاولي يكون في ارتفاع بسيط في الكعب

Image Image

واخيرا ارجو اني اكون افدتك بحاجه انهاردة تغيري بيها ستايلك

تحياتي

نرمو

Advertisements

رأيان حول “العــــــــامل السحري The X Factor

اضافة لك

  1. فعلا كل دى عومل مهما ( ممكن وحده تكون لابسه شمبل اووى اى شيرت على بنطلون و اللى يغيره للاحلى او للاوحش هى الحجاب و الشوز و الشنطه و الاكسيسوريز ) 😀 تسلم ايدك

    إعجاب

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

أنشئ موقعاً أو مدونة مجانية على ووردبريس دوت كوم.. قالب: Baskerville 2 بواسطة Anders Noren.

أعلى ↑

%d مدونون معجبون بهذه: