ازاي تعرفي وتطوري استايلك الخاص ؟؟؟

صحباتي الكلبوظات 

 انهارده هنتكلم عن استايلك الخاص ازاي تعرفيه وتطوريه ؟ بس الاول نعرف ايه هو معني الاستايل؟

هو ببساطه طريقه تعريفك  او تعبيرك عن نفسك وتقديمك لنفسك للناس من خلال لبسك  وده بيجي لما تكوني عارفه ومدركه تماما ابعاد ومقاييس جسمك

وعارفه ايه اللي يليق عليكي وايه اللي مايليقش وعارفه الالوان اللي بتطلع حلوة عليكي وايه الالوان اللي بتبهتك وتناسب شكل وطريقه  ولون الحجاب  مثلا مع شكل وشك ولون بشرتك

كل ده تعريف الاستايل …طيب ازاي نعمل استايل خاص بينا ؟…اقولك

لازم لازم نتفرج علي استايلات كتير عشان عينيك وعقلك يتوسع وتقدري تغيري طريقه تركيبك للطقم مثلا او تجربي حاجه جديده

طبعا لازم يبقى عندك الجرأة انك تجربي وعندك الرغبه في التجديد وتغير شكلك ولبسك لو مش عاجبك اكيد

طب نتفرج علي ايه ؟ونستلهم افكار منين؟

بوصي يا سيتي

من الشارع

وانتي ماشيه في الشارع وخدتي بالك من بنت لابسه طقم حلو ..ركزي في تركيب الوان الطقم مثلا وطريقه الحجاب ولونه وتنسيقها كله مع بعضه

من الكتب 

في كتب كتير بتتكلم عن الاستايل وازاي تعرفي تلبسي ايه وايه يليق عليكي وايه القطع الاساسيه وكده زي دول مثلا

Image                          Image

من المجلات

كتير من المجلات العالميه طبعا بقت متخصصه بس للبلس سايز فيها افكار ونصائح هايله بالاضافه طبعا لصور كتير نستلهم منهم استايلنا الخاص زي دول مثلا

Image         Image

   Image   Image

ومن المجلات دي نقدر نعمل ايه زي كتاب خاص بينا او بمعني تجيبي كراسه وتقصي الصور اللي عاجباكي وشايفه انك ممكن تعملي زي الاستايل ده ونلزقها في الكتاب ده بحيث ان اي وقت واقفه حيرانه قدام الدولاب تبوصي علي الكتاب بتاعك وتستلهمي منه افكار واطقم زي كده

Image                               Image

من الانترنت 

 في مواقع كتير اوي للموضه والفاشون علي الانترنت وكمان ممكن تنزلي علي الموبيل تطبيق اسمه

Image        pinerest

رائع ممكن تلاقي عليه مئات الصور في كل المجالات ومنهم طبعا الفاشون

واخيرا من الافلام والتلفزيون والمشاهير

اكيد طبعا الافلام والتلفزيون مصدر مهم للستايل وفي كتير مشاهير دلوقتي كلبوظات وبيلبسو حلو جدا زي دول مثلا

   Image                 Image

Image             Image

واخيرا احب اقولك بوصي كتير علي صور فاشون واستايلات كتير كاجوال وسهرة وكلاسيك وقديم وجديد عشان يبقي عندك خبرة ومعرفه انتي عايزة ايه وحبيتي ايه

وكمان نضيف العامل السحري اللي بيشيك اي طقم واللي هو مكلملات اللبس او الاناقه هنتكلم عنه بالتفصيل المرة الجايه

تحياتي

نرمو

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

المدونة لدى وردبرس.كوم.

أعلى ↑

%d مدونون معجبون بهذه: