انا مين ؟وليه المدونه؟ وهنتكلم عن ايه؟

صحباتي الكلبوظات

حاسه انك وحشه ..وتخينه ومش لاقيه لبس علي مقاسك حلو

بتكرهي نفسك وشكلك ومابتحبيش تبوصي في المرايه

ولا لو عندك مناسبه طبعا مش لاقيه حاجه تلبسيها حلوة

بتكتئبي لو خارجه وحسيتي ان كل اصحابك شكلهم احلي واشيك منك

بتمشي في الشارع محنيه وباصه في الارض مكسوفه من شكلك ولا خايفه حد يتريق عليكي

عرفت منين احساسك ؟لاني حسيت ومريت بكل ده !!

طب والحل ..انا لازم اخس عشان اعرف اعيش !!

اه ..لكن لحد ما نخس نقفل علي نفسنا بابنا ؟

مانخرجش ولانشوف الدنيا ؟لا نشتغل ولا ندرس ولا نتفسح حتى؟

ما نروحش فرح ولا مناسبه عشان مش لاقين لبس مناسب لحجمنا ؟

ولا نفضل لابسين اسود علطول عشان بيرفع !!!

طيب وهو احنا كده نبقي عايشيين اصلا!!

صدقيني اما اقولك كنت زيك لحد وقت قريب وحسيت ان في لمبه نورت في دماغي ..هو انا هعيش كام مرة عشان ادفن نفسي بالحياة عشان انا مكلبظه وتخينه ومليانه وكل المسميات دي ؟!

*****

وبصراحه قعدت الف وادور كتير لحد ما وصلت للقناعات دي بس اللي غيرني بجد

ان في ترند او اتجاه في كل العالم “طبعا لسه ماوصلت عالمنا العربي” لكل مايخص الكلبوظات او ال plus size /curvy/chunky women

 

خلاص بطلوا بره يقولوا لواحده انتي تخينه او fat

الكلمه دي خلاص بقت كلمه عنصريه زي في امريكا اما توصف حد بانه اسود او negro

الاتجاه ده بقي ليه بنات كتير اوي عاملين مواقع ومدونات وبقوا مشهورين لانه كسروا كل قواعد اللبس للكلبوظات وبقوا ايقونات للفاشون في امريكا واوروبا وكمان محلات كتير اوي عملت اقسام بلس سايز وفي محلات متخصصه بس للبلس سايز

بس طبعا هناك اللبس اسهل بكتير خاصه لو انتي مش محجبه عشان كده فجأة حسيت اني بتغير شويه شويه وبجرب البس حاجات عمري ماكنت افكر البسها ولقيتها حلوة لكن الموضوع كان محتاج تظبيت اايه اللي يليق مع الحجاب وايه اللي ماينفعش

ودورت علي مدونه تتكلم عن فاشون المحجبات الكلبوظات مالقيتش !!!

قولت اذن توكلنا علي الله ونبدأ احنا الحركه العالميه دي في عالمنا العربي بتركيبتها الخاصه بينا كمحجبات وكمجتمع مقفول شويه

*****

اذن هنتكلم عننا المكلبظات المحجبات او المكلبظات عموما

عن الفاشون والترندات او الموضات الجديدة هنتفرج علي ملهمات من عالمنا عالم الكلبوظات ونستلهم منهم تركيب الاطقم والالوان والقصات اللي تليق علينا

كل حاجه واي حاجه عننا ..

احنا

الكلبوظات الشيك

تحياتي

نرمو

 

Advertisements

6 رأي حول “انا مين ؟وليه المدونه؟ وهنتكلم عن ايه؟

اضافة لك

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

المدونة لدى وردبرس.كوم. قالب: Baskerville 2 بواسطة Anders Noren.

أعلى ↑

%d مدونون معجبون بهذه: